சிரம்பான், 25 நவம்பர் (பெர்னாமா) -- மலேசியக் கிண்ண காற்பந்து போட்டியின், சிறந்த 16 அணிகள் சந்திக்கும் முதல் சுற்றில் பிடிஆர்எம் எஃப்சி வெற்றிப் பெற்றுள்ளது.
நேற்றிரவு, நெகிரி செம்பிலான் FC-க்கு எதிராக விளையாடிய பிடிஆர்எம் எஃப்சி 2-1 என்ற கோல்களில் ஆட்டத்தை வென்றது.
சொந்த அரங்கில் விளையாடிய போதிலும், நெகிரி செம்பிலான் எஃப்சி வெற்றிப் பெற சிரமத்தை எதிர்நோக்கியது.
அதேபோல, முதல் பாதியில், நெகிரி செம்பிலான் எஃப்சிக்கு எதிராக கோல் அடிப்பதில், பிடிஆர்எம் எஃப்சி சற்று தடுமாறியது.
இதன்வழி, நெகிரி செம்பிலான் எஃப்சி-இன் ஒரே கோல் 69-வது நிமிடத்தில் போடப்பட்டது.
அதைத் தொடர்ந்து ஆட்டத்தை ஆக்கிரமிக்கத் தொடங்கிய பிடிஆர்எம், ஆட்டத்தின் 96-ஆவது நிமிடத்தில் தனது முதல் கோலை போட்டு ஆட்டத்தை 1-1 என்று சமன் செய்தது.
மேலும், ஆட்டத்தின் இறுதியில் பிடிஆர்எம் மேலும் ஒரு கோலைப் போட்டு 2-1 என்று தனது வெற்றியை உறுதி செய்தது.
இந்த வெற்றியின் வழி ஒரு படி முன்னேறி இருக்கும் பிடிஆர்எம் வரும் 29-ஆம் தேதி நடைபெறும் இரண்டாம் சுற்றில், நெகிரி செம்பிலான் அணியை தனது சொந்த அரங்கில் சந்திக்கவிருக்கின்றது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
