ஈப்போ, 09 நவம்பர் (பெர்னாமா) -- இன்று அதிகாலை கோப்பெங்கிற்கு அருகில் வடக்கு நோக்கி செல்லும் வடக்கு தெற்கு நெடுஞ்சாலையின் 295.4ஆவது கிலோமீட்டரில் சுற்றுலா பேருந்து மற்றும் டிரேலரை உட்படுத்திய விபத்தில் நால்வர் காயமடைந்தனர்.
இவ்விபத்து குறித்து தங்கள் தரப்பிற்கு அதிகாலை 4 மணியளவில் அவசர அழைப்பு கிடைத்ததாக பேராக் மாநில மலேசிய தீயணைப்பு மற்றும் மீட்புத் துறை நடவடிக்கை பிரிவு துணை இயக்குநர் சபாரொட்சி நோர் அஹ்மட் தெரிவித்தார்.
சம்பவ இடத்தை சென்றடைந்ததும் பேருந்தினுல் இருந்த பாதிக்கப்பட்டவர்கள் அனைவரும் சுயமாகவே அதிலிருந்து வெளியேறியதோடு, பேருந்தினுல் யாரும் சிக்கிக் கொள்ளவில்லை என்று சபாரொட்சி கூறினார்.
காயமடைந்த நால்வரில் மூன்று பெண்களும் ஒரு சிறுமியும் அடங்குவர்.
அவர்களுக்கு சொற்ப காயங்கள் மட்டுமே ஏற்பட்டுள்ளது மேல் பரிசோதனையில் தெரிய வந்தது.
சம்பந்தப்பட்ட சுற்றுலா பேருந்து 41 பயணிகளை ஏற்றிக் கொண்டு மலாக்காவில் இருந்து கெடாவிற்குச் செல்லும் வழியில் டிரேலரின் பின்புறம் மோதி விபத்துக்குள்ளானது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
