லிஸ்பன், 11 நவம்பர் (பெர்னாமா) -- போர்துகலின் பிரீமியர் கிண்ண காற்பந்து போட்டி.
இன்று அதிகாலை நடந்த கிளாசிகோ ஆட்டத்தில் பென்ஃபிகா 4-1 எனும் கோல்களில் போர்டோவை அதிரடியாக தோற்கடித்தது.
லிஸ்பனின் எஸ்டேடியோ டா லஸ் அரங்கில் நடைபெற்ற இந்த ஆட்டத்தில், 30 நிமிடங்களுக்கு பின்னரே பென்ஃபிகா அதன் கோல் வேட்டையைத் தொடங்கியது.
புள்ளிப்பட்டியலில், மூன்றாம் இடத்தில் இருக்கும் பென்ஃபிகா, இரண்டாம் இடத்தில் இருக்கும் போர்டோவைப் பின்னுக்குத் தள்ள போராடிக் கொண்டிருக்கின்றது.
இந்நிலையில், சொந்த அரங்கில் விளையாடிய பென்ஃபிகா, முதல் பாதியில் ஒரு கோலையும் இரண்டாம் பாதியில் 3 கோல்களையும் போட்டது.
அதில் இரு கோல்களை ஏஞ்சல் டி மரியா அடித்த வேளையில், இறுதி கோல் பினால்டி வாய்ப்பின் வழி அடிக்கப்பட்டது.
1998ஆம் ஆண்டுக்குப் பிறகு, 4-1 என்ற கோல்களில் போர்டோவுக்கு எதிரான லீக் ஆட்டத்தில் பென்ஃபிகா பெற்ற மிகப்பெரிய வெற்றி இதுவாகும்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
