கேமரன் மலை, 29 நவம்பர் (பெர்னாமா) -- நேற்று ஏற்பட்ட நிலச்சரிவினால் கேமரன் மலை, தானா ராத்தா, புஞ்சாக் அராபெல்லா அடுக்குமாடி குடியிருப்பிற்குச் செல்லும் சாலை துண்டிக்கப்பட்ட நிலையில் அதன் துப்புரவு பணிகள் நிறைவடைந்ததை அடுத்து இன்று அதிகாலை மீண்டும் திறக்கப்பட்டுள்ளது.
இதில் பாதிக்கப்பட்ட குடியிருப்பாளர்களும் பாதுகாப்பாக மீண்டும் தங்கள் இல்லங்களுக்குத் திரும்பியதாக கேமரன் மலை மாவட்ட போலீஸ் தலைவர் சுப்ரிதெண்டன் அஸ்ரி ரம்லி தெரிவித்தார்.
தொடர் கனமழை காரணமாக குடியிருப்புப் பகுதியின் C கட்டிடத்திற்கு அருகில் உள்ள மலைப்பகுதியில் ஏற்பட்ட நிலச்சரிவு 346 வீடுகளுக்குச் செல்லும் வழியை துண்டித்ததோடு, 28 வீடுகளை ஆபத்தான சூழலுக்கு உட்படுத்தியதாக சுப்ரிதெண்டன் அஸ்ரி ரம்லி கூறினார்.
13 குடும்பங்களைச் சேர்ந்த 53 பேர் பாதிக்கப்பட்ட நிலையில் சிலர் உறவினர்களின் வீட்டிலும், 17 பேர்புஞ்சாக் அராபெல்லா மண்டபத்தில் உள்ள தற்காலிக மையத்திலும் தங்க வைக்கப்பட்டதாக இன்று வெளியிட்ட அறிக்கை ஒன்றில் அவர் குறிப்பிட்டார்.
பி.டி.ஆர்.எம், ஜே.பி.பி.எம் (JBPM) மற்றும் ஏ.பி.எம் விரைவான செயல்பாட்டின் மூலம் நிலைமை கட்டுப்பாட்டிற்குள் கொண்டு வரப்பட்டது.
--பெர்னாமா
[பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)]
