புக்கிட் ஜாலில், 08 ஜனவரி (பெர்னாமா) -- மலேசிய பொது பூப்பந்து போட்டியில் தோல்வி கண்டு, கிண்ணத்தை வெல்லும் தங்களின் பயணத்திற்கு தேசிய மகளிர் இரட்டையர் பெர்லி தான் - எம் தினா முற்றுப்புள்ளி வைத்திருக்கின்றனர்.
இன்று நடைபெற்ற இரண்டாம் சுற்று ஆட்டத்தில், நாட்டின் முதல்நிலை மகளிர் இரட்டையரான அவர்கள், இந்தோனேசியாவிடம் தோல்வியை தழுவினர்.
அக்ஸியதா அரங்கில் நடைபெற்ற இந்த ஆட்டத்தில், பெர்லி தான் - எம் தினா, இந்தோனேசியாவின் ஃபெப்ரியானா த்விபூஜி குசுமா - மெலிசா ட்ரயாஸ் புஸ்பிதாசாரி ஜோடியுடன் களமிறங்கினர்.
இவ்வாட்டத்தில், 24-26, 17-21 என்ற நேரடி செட்களில் பெர்லி - தினா தோல்வி கண்டனர்.
இந்த ஆட்டம் 54 நிமிடங்கள் வரை மட்டுமே நீடித்தது.
''பெர்லி சொன்னது போல் எதிர் ஆட்டக்காரர்கள் தயார் நிலையில் இருந்தனர், மிகவும் சிறப்பாகச் செயல்பட்டனர். இதுவும் நாம் கவனிக்க வேண்டிய ஒன்றாகும்,'' என்று எம்.தினா தெரிவித்தார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
