லிஸ்பன், 17 நவம்பர் (பெர்னாமா) -- மென்செஸ்டர் யுனைடெட்டின் இடைக்கால நிர்வாகியாக இருந்த ரூட் வேன் நிஸ்டெல்ரோய் அங்கிருந்து வெளியேற்றப்பட்டதில், ஏமாற்றம் அடைந்திருப்பதாக அவரின் உதவியாளர் ஆண்ட்ரே ஓய்ஜர் கூறியுள்ளார்.
தமது சிறந்த நண்பரான நிஸ்டெல்ரோய் அக்கிளப்பின் உதவி பயிற்றுநராக இருக்க விரும்பியதாகவும் அவர் கூறினார்.
அக்கிளப்பின் முன்னாள் ஆட்டக்காரரரும் உதவியாளருமான நிஸ்டெல்ரோய் பொறுப்பேற்றது முதல், கடந்த நான்கு ஆட்டங்களில் மூன்றில் அக்கிளப் வெற்றி அடைந்துள்ளது.
புதிய நிர்வாகி அமோரிமின் வருகையை அறிவித்த எம்.யு நிஸ்டெல்ரோய் கிளப்பை விட்டு வெளியேறியதையும் உறுதிப்படுத்தியதில் அவர் வருத்தம் அடைந்தாக ஆண்ட்ரே ஓய்ஜர் குறிப்பிட்டுள்ளார்.
அமோரிம், தமக்கான உதவியாளர்களை தேர்வு செய்த வேளையில், நிஸ்டெல்ரோய் பெயர் அதில் இல்லாததால் அவர் கிளப்பை விட்டு வெளியேற வேண்டியிருந்தது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
