கோலாலம்பூர், 25 நவம்பர் (பெர்னாமா) -- இவ்வாண்டுக்கான எஸ்பிஎம் தேர்வு டிசம்பர் 2-ஆம் தேதி தொடங்கி அடுத்தாண்டு பிப்ரவரி மாதம் 6-ஆம் தேதி வரை நடைபெறும் என்று கல்வி அமைச்சு அறிவித்துள்ளது.
நாடு முழுவதிலுமுள்ள 3,337 தேர்வு மையங்களில் சுமார் நான்கு லட்சத்து இராயிரத்து தொல்லாயிரத்து ஐம்பத்து இரண்டு மாணவர்கள் இம்முறை தேர்வு எழுதவிருப்பதாக, கல்வி அமைச்சு இன்று வெளியிட்ட ஓர் அறிக்கையில் குறிப்பிட்டிருந்தது.
அடுத்த மாதம் டிசம்பர் 2-ஆம் தேதி தொடங்கி 5-ஆம் தேதி வரை மலாய் மொழி பாடத்திற்கான வாய்மொழி சோதனை நடைபெறவுள்ள நிலையில், டிசம்பர் 9, 10 மற்றும் 12-ஆம் தேதிகளில் அறிவியல் பாடத்திற்கான செய்முறை தேர்வுகள் நடைபெறவுள்ளன.
அதோடு, டிசம்பர் 16, 17, 18 மற்றும் 19 ஆகிய தேதிகளில் ஆங்கில மொழி பாடத்திற்கான வாய்மொழி சோதனை நடைபெறவுள்ளது.
இதனிடையே, எஸ்பிஎம் தேர்வு எழுதவிருக்கும் மாணவர்கள் தேர்வுக்கான தேதி, நேரம், குறியீடு மற்றும் தேர்வுத் தாள் பற்றிய தகவல்களைத் தெரிந்து கொள்ள அதன் கால அட்டவணையை மீள்பார்வை செய்யுமாறு கல்வி அமைச்சு அறிவுறுத்தியது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
