கோலாலம்பூர், டிசம்பர் 11 ( பெர்னாமா) -- BUDI மடானி RON95, BUDI95 திட்டத்தின் கீழ் 300 லிட்டர் ஒதுக்கீடு தீர்ந்தப் பிறகு ரோன்95-இன் விலையை 2 ரிங்கிட் 10 சென் அல்லது 2 ரிங்கிட் 30 சென் என்று கட்டம் கட்டமாக நிர்ணயிப்பது ஆக்கப்பூர்வமற்ற உதவித்தொகை அமலாக்கமாக அமையும் என்று அரசாங்கம் கருதுகிறது.
இது உதவித்தொகை கசிவின் அதிகரிப்பிற்கு வழிவகுப்பதோடு அரசாங்க நிதி நிலையை வலுப்படுத்த உதவாது என்று இரண்டாவது நிதி அமைச்சர் டத்தோ ஶ்ரீ அமீர் ஹம்சா அசிசான் கூறினார்.
BUDI95-க்கான பயன்பாட்டை அரசாங்கம் தொடர்ந்து தீவிரமாக கண்காணிக்கும் என்றும் அதன் குறிப்பிட்ட வரம்பை அவ்வப்போது மறுமதிப்பீடு செய்யும் என்றும் டத்தோ ஶ்ரீ அமீர் ஹம்சா அசிசான் கூறினார்.
''மக்களுக்கு நன்மையளிக்கவும், நாட்டின் நிதி நிலைத்தன்மைக்கும் இலக்கிடப்பட்ட ரோன்95 உதவித்தொகை கொள்கை தொடர்ந்து ஆராய்ந்து வலுப்படுத்தப்படுவதை உறுதிசெய்ய இது உதவும்.'' என்றார் டத்தோ ஶ்ரீ அமீர் ஹம்சா அசிசான்.
2 ரிங்கிட் 10 சென் அல்லது 2 ரிங்கிட் 30 சென் போன்ற கட்டம் கட்டமாக விலையை நிர்ணயிப்பதைக் காட்டிலும் முதல் 300 லிட்டருக்கு ஒரு ரிங்கிட் 99 சென்னும் அதற்கு மேற்பட்ட பயன்பாட்டிற்கு மிதவை விலையான 2 ரிங்கிட் 60 சென்னும் அமல்படுத்துவதற்கான அவசியம் குறித்து செனட்டர் டத்தோ அப்துல் ஹலீம் சுலைமான் எழுப்பியக் கேள்விக்கு அவர் அவ்வாறு பதிலளித்தார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
