கொழும்பு, நவம்பர் 29 (பெர்னாமா) -- இலங்கையில் டிட்வா (DITWAH) புயலால் ஏற்பட்ட கனமழை மற்றும் நிலச்சரிவில் சிக்கி உயிரிழந்தவர்களின் எண்ணிக்கை 85 ஆக உயர்ந்துள்ளது.
மேலும் 21 பேரைக் காணவில்லை.
காணாமல் போனவர்களைth தேடி மீட்கும் பணி தொடர்கிறது.
சுமார் 600-க்கும் வீடுகள் சேதம் அடைந்துள்ளதோடு, 44,000-க்கும் மேற்பட்ட மக்கள் பாதிக்கப்பட்டுள்ளனர்.
மீட்புப் பணிகளுக்காக 20,500 ராணுவ வீரர்கள் களமிறக்கப்பட்டுள்ளனர்.
திருகோணமலைக்கு தெற்கே 40 கிலோ மீட்டர் தொலைவில் புயல் மையம் கொண்டதாக அந்நாட்டின் வானிலை ஆய்வு மையம் தெரிவித்திருக்கிறது.
அடுத்த 12 மணி நேரத்தில் கணிக்கப்பட்டிருக்கும் பலத்த காற்று மற்றும் கன மழை காரணமாக வெள்ள நிலைமை மோசமாகும் என்று எதிர்பார்க்கப்படுகிறது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
