சபா, 30 நவம்பர் (பெர்னாமா) -- சபா மாநில சட்டமன்ற தொகுதிகளில் போட்டியிட்ட வேட்பாளர்கள் குறித்து வாக்காளர்கள் எடுத்த முடிவை நம்பிக்கைக் கூட்டணி மதிப்பதாக கெஅடிலான் கட்சி பொதுச் செயலாளர் டத்தோ டாக்டர் ஃபுசியா சாலே தெரிவித்தார்.
அதே நேரத்தில், எதிர்காலத்தில் ஏற்படக்கூடிய பலவீனங்களையும் தமது கட்சி மதிப்பாய்வு செய்யும் என்று அவர் கூறினார்.
"நம்பிக்கைக் கூட்டணியில் உள்ள எனது நண்பர்களைப் பிரதிநிதித்துவப்படுத்தும் நான், நம்பிக்கைக் கூட்டணியில் போட்டியிடும் தொகுதிகளில் வாக்காளர்களால் வழங்கப்பட்ட முடிவுகளை நாங்கள் ஏற்றுக் கொள்கிறோம் என்று கூற விரும்புகிறேன். இந்த பலவீனங்கள் அனைத்தையும் நாங்கள் காண்போம். மேலும், அனைத்து பலங்களையும் நாங்கள் காண்போம். கண்டிப்பாக, இந்த செயல்முறையிலிருந்து நாம் கற்றுக் கொள்ளக்கூடிய பல பாடங்கள் உள்ளன", என்று டாக்டர் ஃபுசியா தெரிவித்தார்.
அமானா தலைவருடான செய்தியாளர் சந்திப்பில் கலந்து கொண்ட டாக்டர் ஃபுசியா அதனை கூறினார்.
இம்முறை நடைபெற்ற மாநில தேர்தலில் சீன வாக்காளர்களிடமிருந்து நம்பிக்கைக் கூட்டணி பெரிய அளவிலான ஆதரவை இழக்கும் என்பதை எதிர்பார்க்கவில்லை.
போட்டியிட்ட 22 இடங்களில் அது ஒரே இடத்தை மட்டுமே வென்றது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
