இந்தியா, 30 நவம்பர் (பெர்னாமா) -- தமிழ்நாட்டிலும் கனமழை பெய்து வருகிறது.
இந்நிலையில், இலங்கையைத் தாக்கிய டித்வா புயல் இந்தியாவை நெருங்குவதால், கடலோரப் பகுதிகளுக்கு அதிகாரிகள் மீட்புக் குழுக்களை அனுப்பியுள்ளனர்.
டித்வா புயலால் அதிகபட்சமாக 80 கிலோமீட்டர் வேகத்தில் காற்று வீசக்கூடும் என அந்நாட்டு சென்னை வானிலை ஆய்வு மையம் கூறியுள்ளது.
இந்தப் புயல் இன்று, ஞாயிற்றுக்கிழமை வங்காள விரிகுடாவை அடைய வாய்ப்புள்ளதாக இந்திய வானிலை ஆய்வு மையம் குறிப்பிட்டுள்ளது.
டித்வா புயல் இலங்கையைக் கடந்து தென்னிந்தியாவை நோக்கி நகர்ந்தபோது, நிவாரணப் பணிகளுக்கு உதவுவதற்காக இந்தியா 6.5 மெட்ரிக் டன் உணவு உதவியை வழங்கியதாக கொழும்பில் உள்ள இந்திய உயர் ஆணையம் தெரிவித்துள்ளது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
