கோலாலம்பூர், 30 நவம்பர் (பெர்னாமா) -- அனைத்து தொலைத்தொடர்பு நிறுவனங்களும் தங்களின் தொலைப்பேசி செயலிகளில், மைடிஜிட்டல் ஐடி அடையாள சரிபார்ப்பு தொழில்நுட்பத்தை ஒருங்கிணைத்ததைத் தொடர்ந்து, நாளை, திங்கட்கிழமை முதல் மலேசியர்கள் வலுவான இலக்கவியல் பாதுகாப்பை அனுபவிக்கின்றனர்.
சரிபார்க்கப்படாத அல்லது தவறாகப் பயன்படுத்தப்பட்ட கைத்தொலைப்பேசி எண்களைப் பயன்படுத்துவதன் மூலம் ஏற்படும் மோசடி அழைப்புகள், அடையாள ஆள்மாறாட்டம் மற்றும் மோசடி ஆகியவற்றிலிருந்து பயனீட்டாளர்களைப் பாதுகாப்பதே இந்த தேசிய அளவிலான முயற்சியின் நோக்கமாகும் என்று மைடிஜிட்டல் ஐடி குறிப்பிட்டுள்ளது.
ஒவ்வொரு கைத்தொலைபேசி எண்ணும் அதிகாரப்பூர்வ மற்றும் நம்பகமான அடையாளத்துடன் பொருந்துவதை இந்த முயற்சி உறுதிசெய்யும்.
இந்த நடவடிக்கை மூன்று முக்கிய கூறுகளை உள்ளடக்கியது.
அதாவது நடப்பில் உள்ள தொலைப்பேசி முன்கட்டண சேவை எண்களின் சரிபார்ப்பு, புதிய சிம் அட்டைகளின் பதிவு மற்றும் தொலைத்தொடர்பு நிறுவன செயலிகளின் மைடிஜிட்டல் ஐடி உள்நுழைவு ஆகியவையே ஆகும்.
இந்நடவடிக்கையை தேசிய இணையப் பாதுகாப்பு நிறுவனம், NACSA ஆதரவுடன் செயல்படுத்தி, மலேசிய தொடர்பு மற்றும் பல்லூடக ஆணையம், எம்சிஎம்சி ஒருங்கிணைக்கிறது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
