புது டெல்லி, 22 நவம்பர் (பெர்னாமா) -- இந்தியக் கடற்படையின் நீர்மூழ்கிக் கப்பலும் மீன்பிடிக் கப்பலும் வியாழக்கிழமை மாலை மோதி விபத்துக்குள்ளானதில் இருவர் காணாமல் போயுள்ளனர்.
கோவா கடற்கரையில் இருந்து 70 கடல் மைல் தொலைவில் இச்சம்பவம் நிகழ்ந்துள்ளது.
இச்சம்பவத்தின்போது, மீன்பிடி படகின் 13 பணியாளர்களில் 11 பேரை மற்ற கப்பல்களில் இருந்தவர்கள் காப்பாற்றியதாக, கடற்படை அதிகாரிகளை மேற்கோள் காட்டி உள்ளூர் ஊடகங்கள் வெள்ளிக்கிழமை செய்தி வெளியிட்டுள்ளன.
காணாமல்போன மேலும் இரண்டு மீனவர்களையும் மீட்கும் முயற்சியில் கடற்படையின் 6 கப்பல்களும் சில கண்காணிப்பு விமானங்களும் ஈடுபட்டுள்ளன.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
