கோலாலம்பூர், 02 மே (பெர்னாமா) -- உலக ஊடக சுதந்திர குறியீட்டில் கடந்த ஆண்டு 107-வது இடத்தை பிடித்திருந்த மலேசியா, 2025-ஆம் ஆண்டு 19 இடங்கள் முன்னேறி 88-வது இடத்தைப் பிடித்துள்ளது.
REPORTERS WITHOUT BORDERS, RSF மேற்கொண்ட அண்மைய மதிப்பீட்டின்படி 2024-ஆம் ஆண்டில் மலேசியா பெற்றிருந்த 52.07 புள்ளிகளுடன் ஒப்பிடும்போது இந்த ஆண்டு 56.09 புள்ளிகளாக அதிகரித்துள்ளது.
ஆசியான் நாடுகளுடன் ஒப்பிடும் போது, மலேசியாவை விட மூன்று இடங்கள் முன்னேறி தாய்லாந்து 85-வது இடத்தில் உள்ளது.
புருணை 97-வது இடத்திலும், பிலிப்பைன்ஸ் 116-வது இடத்திலும், சிங்கப்பூர் 123-வது இடத்திலும், இந்தோனேசியா 127-வது இடத்திலும் உள்ளன.
அரசியல் சூழல், சட்டப் பாதுகாப்பு, தலையங்க சுதந்திரம், வெளிப்படைத்தன்மை மற்றும் பத்திரிகையாளர்களின் பாதுகாப்பு உள்ளிட்ட முக்கிய அம்சங்களின் அடிப்படையில் 180 நாடுகளில் ஊடக சுதந்திரத்தின் அளவை உலக ஊடக சுதந்திரக் குறியீடு மதிப்பிடு செய்யப்படுகிறது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
